تامين اتصال wireless الجزء الاول
بسم الله الرحمن الرحيم
هنبدأ بشرح كيفيه تأمين إتصال الوايرليس ( الجزء الأول )
إعدادات الراوتر الإفتراضيه بتخلي الـ Network بتاعتك في خطر أو سهل الوصول لبعض الإعدادات المهمه فيها ومش بس المخترق هيقدر يستخدم الانترنت عن طريقك من غير ما تعرف ..
لأ هو كمان هيقدر يقلل السرعه اللي انت بتستخدمها ويقدر يستنفذلك كل الداتا اللي مسموحه انك تستخدمها او بمعنى آخر ال Quota او سعة التحميل وكمان يقدر يستخدم الراوتر في اختراق الأجهزة او أي حاجه تانيه بمعنى آخر هيبقى كأنه "صاحب الراوتر" ..
عشان كده لازم تعدل في اعدادات الراوتر بحيث تضمن الأمان وإن محدش يقدر يدخل علي الإعدادات الخاصه بيه ويستغلها بأي شكل من الاشكال ..
اول خطوة : تغيير اليوزر نيم والباسورد الخاصه بالراوتر ..
لان معظم الراوترات الموجوده بيبقي اليوزر نيم والباسوورد معروفين وممكن تعرفهم من علي الانترنت عن طريق نوع الراوتر بسهوله
تاني خطوة : وضع باسوورد خاص بالوايرلس "لو الراوتر يدعمها" ونختار Level التشفير : WPA2 لأن اي Level تاني بيكون أسهل فالاختراق
تالت خطوة : اقفل ال WPS او Wi-Fi Protected Setup
يعني ايه WPS هي طريقه سهله عشان تبني اتصال لاسلكي مشفر وعشان الطريقه دي تشتغل بتضغط علي زرار مكتوب عليه WPS عالراوتر وتعمل كونكت بيه وهتقدر تتصل بالراوتر من غير باسوورد
طب ايه مشكلته او هيأثر ازاي عليا ؟
مشكلته ان دلوقتي في ادوات بتخمن تشفير ال WPS الموجوده عندك والادوات دي منتشره عالانترنت وسهلة الاستخدام ومش هياخد من المخترق اكتر من ساعات معدوده عشان يفك التشفير وبالتالي الباسوورد بتاعتك ملهاش لزمه لانه قدر يفك تشفير الراوتر
رابع خطوه : تغيير الأي بي الافتراضي للراوتر واللي بيبقى غالبآ 192.168.1.1 وتغيره بيبقى افضل عشان تخلي الوصول للوحة التحكم صعب بالنسبه للمخترق
طيب انا اعرف ازاي ان الNetwork بتاعتي مظبوطه او لأ بعد ما طبقت الطرق دي ؟
ممكن تعمل check للنتورك بتاعتك عن طريق الموقع ده :
أو تحمل البرنامج من هنا وتعمل Scan للـ Network
ليست هناك تعليقات:
إرسال تعليق